`Azərbaycanda yekəqarın polis yoxdur` - DİN-dən açıqlama
15:55 25 Yanvar 2017
Azərbaycan Daxili İşlər Nazirliyinin (DİN) mətbuat xidmətinin rəhbəri vəzifəsini icra edən polis polkovniki Ehsan Zahidov Femida.az-ın suallarını cavablandırıb.
Müsahibəni oxuculara təqdim edirik:
- Ehsan müəllim, əvvəlcə icra edəcəyiniz yeni vəzifədə sizə uğurlar arzu edirik…
Mənim vəzifəm hələ də mətbuat xidmətinin rəis müavinidir. Lakin müvəqqəti olaraq mətbuat xidmətinin rəhbəri vəzifəsini icra edirəm.
- Məlum olduğu kimi, Tacikistanın daxili işlər naziri Ramazon Rəhimzoda artıq çəkidən əziyyət çəkən polis əməkdaşlarına arıqlamaq tapşırığı verib. Azərbaycanda polis əməkdaşlarına belə bir tapşırığın verilməsi gözlənilirmi?
Daxili İşlər Nazirliyinin Mətbuat Xidməti olaraq nazirin birbaşa iştirakı ilə polis orqanlarına qəbul olunan namizədlərin ya fotolarını, ya da videogörüntülərini ictimaiyyətə mütəmadi olaraq təqdim edirik. Azərbaycan Respublikasının Daxili İşlər Orqanlarına seçilən namizədlərin xarici görünüşü, fiziki hazırlığı ilə bağlı müəyyən olunmuş normalar mövcuddur. Yəni boyu 175 santimetrdən aşağı olmayan, idmançı görkəminə malik, bədən ölçüləri boylarına uyğun olan vətəndaşlar işə götürülür. Bizdə sovet dönəmindən fərqli olaraq, yekəqarın, həddindən artıq arıq insanlar polis orqanlarına qəbul olunmur. Yəni Tacikistandakı kimi bizdə əlavə göstərişin verilməsinə ehtiyac yoxdur. Azərbaycanda ümumiyyətlə yekəqarın polis yoxdur.
- Doğrudur, polis orqanlarına yalnız müəyyən normalara cavab verən namizədlər qəbul olunur. Lakin elə hallar da olur ki, müəyyən yaşdan sonra bəzi polislərimiz həddindən artıq çəki əldə edirlər…
Polis də bir insandır. Müəyyən yaş keçdikdən sonra onun qarnı çıxa, kökələ bilər. Polis əməkdaşlarına mütəmadi olaraq dərslər keçirlir. Bu dərslərdə polis əməkdaşlarının qidalanması barədə onlara daimi tövsiyyələr verilir. Polis əməkdaşlarımız həftə ərzində ən azı 2-3 dəfə dərslərə cəlb olunur. Əgər bizdə artıq çəkili polislər varsa, o da sovet dönəmində xidmətə qəbul olanlardır. Onlar da yəqin ki, yaxın vaxtlarda təqaüdə göndərilər.
Ceyhun Əhmədli
Femida.az
Oxunub: 6981
Oxşar xəbərlər
- `Azərbaycanda kişilərin yarısı siqaret çəkir` - Hadi Rəcəbli
- `Azərbaycanda ünvanlı sosial yardım ləğv ediləcək` - Nazir
- `Azərbaycanda bir, Ermənistanda başqa söz danışırlar`- Spikerdən sərt çıxış
- `Azərbaycanda terrora hazırlaşan xeyli sayda şəxs zərərsizləşdirilib` - DTX rəisi
- `Azərbaycanda bütün azadlıqlar təmin olunub` - İlham Əliyev
- `Azərbaycanda sabitlik möhkəmlənib` – İlham Əliyev
- `Azərbaycanda özümüzü təhlükəsiz hiss edirik` - Sinaqoqdan reportaj
- `Azərbaycanda güclü milli biznes sinfi yaranıb` - Prezident
- `Azərbaycanda təhlükəsizlik təmin edilir` - Prezident
- `Azərbaycanda heç vaxt milli-irqi ayrı-seçkilik olmayıb` - Prezident